Caribbean Banana Bread (Bolo di Bakoba)

Nos ta usa un meskla di puiru pa traha bolo di bakoba kual ta optenibel na Caribbean Bakery

Supplies. E ta masha fásil pa prepará i e ta un bolo ‘soft’ hopi dushi! Nos a hasi e bolo aki mas

riku agregándo poko rasenchi i fruitmix den e meskla di bolo.

Ingrediente

• 1000 gram di Banana Bread Mix*

• 350 gram di bakoba hopi hechu

• 100 gram di zeta vegetal

• ¼ kùp di manteka dushi dirtí

• 350 gram di awa

  
  

Ingrediente èkstra:

• 75 gram di rasenchi* (muhá promé den awa i laga nan seka bon)

• 75 gram di Fruitmix*

Toke final: nechi garná i/òf slais di bakoba i suku bruá ku kané

Forma: 2 baki di fòil di 26cm x 11cm x 6.5cm

Preparation

1. Sende e fòrnu na 320 °F / 160 °C pa e keinta. Spùit e formanan di fòil** ku Carlex Spray i pone

   nan un banda (por wak e formanan riba e potrètnan).

2. Pega e chapaleta plat na e mekser. Kita e kaskanan di bakoba i pisa 350 gram di bakoba.

3. Pone bakoba den e kòmchi di e mekser i bati bon (òf por machiká e bakobanan promé i despues

   pone den e kòmchi).

4. Agregá Banana Bread Mix, zeta, manteka i awa. Laga e mekser sigui bati riba un spit abou durante di 4 minüt. Usa un lembedó pa brua rasenchi i fruitmix ku kuidou den e meskla.

5. Basha e meskla den e 2 formanan i stroi poko nechi garná riba nan òf por dòrna nan ku

   slais di bakoba i suku bruá ku kané.

6. Hinka e forma nan mesora den e fòrnu kayente pa ±1 ora.

Tep: Por muha e rasenchinan den poko róm tambe.

**Tep: Òf spùit 1 forma di ‘tulband’ di 26cm Ø i 10cm haltu (òf un forma di kipashi 32cm x

12cm) ku Carlex Spray*.

Pa forma grandi: Fòrnu 320 ⁰F / Tempu ±70 minüt.