Kerststol



INGREDIENTEN


Mansa 500 gram di ariña di pan Caribbean Dream flour 25 gram di yist 150 gram di ‘Boterstollen poeder’ (tin lechi aden) 25 gram ‘Aroma Stollen Spice Flavouring’ 25 gram di margarina Dianipan ±325ml di awa friu 10 gram di salu Fruta 275 gram di rasenchi 100 gram di karènt 75 gram di tutifruti 50 gram di nechi di chòp

Reyeno 1000 gram di ‘amandelspijs’ 1 telep di ‘citroenrasp’ 1 webu batí Ékstra 2 webu pa hunta e mansa 3 kuchara di margarina Dianipan dirtí suku pa dòrna bolo (seftá)

1000 GR HARINJA CBS

PREPARATION


Preparashon Mansa Un dia promé ta pone rasenchi i karènt muha den poko awa (±20 minüt). Skore e awa bon. Su siguiente dia ta brua e sobrá frutanan i nechi aserka.

Stap 1

Sende e fòrnu na 375˚F / 190˚C. Pone ‘bakpapier’ riba plancha grandi i pone nan un banda.

Stap 2

Pone ariña di pan, yist, ‘Boterstollenpoeder’ (seft’é promé), Aroma Stollen Spice Flavouring i margarina den e kòmchi di e mekser. Brua tur kos huntu. Agregá e awa tiki tiki i laga e mekser kuminsá mansa na un spit abou. Agregá e salu i laga e mekser mansa bon.

Stap 3

Agregá e meskla di fruta i laga e mekser mansa na moda ku e frutanan ta drenta den e mansa. Stroi poko ariña di pan riba bo mesa, pone e mansa ariba i partié den 3 pida di ±650 gram. Forma bolita, pone nan riba un tiki ariña di pan, tapa nan ku un sèrbètè di kushina muhá i laga nan sosegá 25 minüt.

Stap 4

Plat nan i dobla forma ‘puntmodel’ di ±25cm largu. Laga nan para 25 minüt. Pasa un ròlstòk fini (2cm diki) den poko ariña (por usa palu di basora nobo i kòrt’é 40 cm largu) pa sèt meimei di kada un den nan largura. Keda habri e mansa na e parti meimei i asina forma 2 ‘lep’ diki kada banda. Hunta e mansa meimei ku webu batí i pone un ròl di ‘**amandelspijs’ riba kada un. Dobla nan sera i sèt den nan banda (di e ‘amandelspijs’) ku e palu i asina forma e 2 lepnan diki den banda. E kantidat di mansa aki ta pa 3 pandushi grandi.

Stap 5

Pone nan riba plancha, hunta nan ku webu i laga nan para reis 45 minüt. Hinka e plancha nan den fòrnu bon kayente pa ±35 minüt. Ora nan kaba di hòrna, ta hunta nan ku manteka dirtí. Ora nan fria ta sefta suku riba nan.

**Amandelspijs

Bati ‘amandelspijs’, ‘citroenrasp’ i webu huntu. Forma 3 bolita (di ±170 gram), i lora nan kada un den poko ‘poedersuiker’ i asina forma 3 ròldi 20cm largu.

Tep

Ta muha e rasenchinan i karèntnan pa nan no keda seku den e mansa. Sino nan tambe ta chupa ‘vocht’ for di e mansa, pero tòg keda muchu seku. Wak pa nan no bira demasiado moli sino nan ta kibra den e mansa. Por traha e pandushinan aki, hòrna nan, laga nan bira kasi lou, sera nan den saku di plèstik i warda nan den frizer. Momentu ku ta bai sirbi nan: saka nan fo’i frizer pa nan bira moli, keinta nan den fòrnu i kaba ku e toke final.


‘Boterstollen poeder’, Aroma Stollen Spice Flavouring’, ‘amandelspijs’, ‘citroenrasp’ i tur ingrediente pa traha pandushi i bolo ta obtenibel na Caribbean Bakery Supplies!

Pasa serka nos na Schotlandstraat 60 (Aruba), Schottegatweg West 357(Curaçao) of Kaya Kilowot 5 (Bonaire).

Caribbean Bakery and Restaurant  supplies is a well established name on Curacao, Aruba and Bonaire and supplies a wide selection of clients.

Information

Recipes

Contact